Barilla pastaskrúfur með beikon og sólþurrkuðum tómötum (fyrir 4)
250 g Búrfells beikon
150 g ferskir sveppir
2 skarlottulaukar eða hálfur venjulegur gulur laukur
1-2 hvítlauksrif
1 tsk McCormik Ítalian seasoning
1 dós sýrður rjómi (180 g)
2,5 dl rjómi
4 sólþurrkaðir tómatar + 3 msk af olíunni
salt og pipar
1-2 dl af vatninu sem pastað var soðið í
2 msk fínrifinn parmesan ostur
Leiðbeiningar:
Sjóðið pasta í vel söltu vatni, samkvæmt leiðbeiningum á pakkningu.
Skerið beikonið í bita og steikið. Hellið fitunni af pönnunni. Hakkið laukinn, hvítlaukinn og sólþurrkuðu tómatana, skerið sveppina í fernt og bætið á pönnuna ásamt italian seasoning. Steikið áfram í nokkrar mínútur. Bætið sýrðum rjóma, rjóma og olíunni frá tómötunum á pönnuna og látið sjóða í nokkrar mínútur. Smakkið til með salti og pipar. Bæti smá af vatninu sem pastað var soðið í á pönnuna og sjóðið áfram í nokkrar mínútur. Takið pönnuna af hellunni og hrærið parmesan í sósuna, hellið þessu yfir soðna pastaið og blandið vel. Berið fram með brauði, fersku basil og ferskrifnum parmesan.